Atyraý oblysynda shetelden jalǵan qujatpen ákelingen 8 avtokólik anyqtaldy
Atyraý oblystyq polıtsııa departamenti jedel krımınalıstik basqarmasynyń baastyǵy, polıtsııa polkovnıgi Nurlan Ahmetjanovtyń aıtýynsha, bıylǵy 23 qańtardan beri shetelden ákelingen 9 myńnan astam kólik tekserilgen.
«Úkimettiń bıylǵy 9 qańtardaǵy qaýlysynyń talaptaryna sáıkes kelmeıtin sheteldik avtokólikterdi zańdastyrýdyń jolyn kesý jóninde pármendi is-sharalar qabyldandy. Sheteldik kólikti zańdastyrý úshin kólik ıesi ótinish, ótinish berýshiniń jeke basyn kýálandyratyn qujat, kólik quralynyń pasporty nemese tirkeý týraly kýálik, kólikke menshik quqyǵyn rastaıtyn 4 qujatty usynýy kerek. Bizdiń basqarmanyń sarapshy-krımınalıst mamandary atalǵan qujattardyń rastyǵyn, kóliktiń krımınaldyq esepte bar-joǵyn tekseredi. Osy kezge deıin krımınalıst mamandar 9156 kólik quralyn tekserdi. Onyń ishinde 8 avtokóliktiń qujattary qoldan jasalǵany anyqtaldy», -dep habarlady Nurlan Ahmetjanov.
Eske sala ketelik, buǵan deıin Atyraýda aıyppuly tólenbegen sheteldik tirkeýdegi kólikter arnaıy turaqqa jetkizilgenin habarlaǵan edik.
Grýzııa Respýblıkasynda tirkeýde turǵan «Chevrolet» markaly avtokóliginiń júrgizýshi birneshe aıyppulyn tólemeı júrgen boryshkerlerdiń tiziminde bolǵan. Júrgizýshiniń tólenbegen 37 aıyppulynyń kólemi 900 myń teńgeden asqan.
Keıin avtokólik kontrabandasymen aınalysqan destrýktıvti dinı aǵym ókili ustalǵanyn jazǵan bolatynbyz.
Destrýktıvti dinı aǵymnyń ókili Reseı Federatsııasynan avtokólikterdi kontrabandalyq ádispen tasymaldaǵan. Kúdiktiniń turǵylyqty mekenjaıynan avtokólikterdiń jalǵan memlekettik belgileri, avtokólikti satyp alý-satý kelisim sharttary, senimhattar, Reseı Federatsııasynda tirkelgen avtokóliktiń tólqujaty, jeke adamdardyń jeke kýálikteri, taýarǵa arnalǵan deklaratsııa, «Iphone 13» uıaly telefony men túbirtekter tabyldy.