Atyraý oblysynda shekarashylarmen janjaldasýshylardyń biri ustaldy
ATYRAÝ. QazAqparat - Isataı aýdanynyń Jambaı aýylynda shekarashylarmen bolǵan janjalǵa qatysýshylardyń biri ustaldy, dep habaraıdy QazAqparat.
«Sot ókilderiniń tekserý jumystary barysynda Isataı aýdanynyń Janbaı aýylynda «Toıota Lend Krýzer» kóliginiń júrgizýshisi áskerı adamdardyń toby kezekti sporttyq jattyǵýlardan keıin sap túzep kele jatqanda soldattardyń birin qaǵyp ketpek bolǵan. Shekarashylar jol shetimen ketip kele jatqan. Áskerı qyzmetkerler áskerı bólimniń aýmaǵyna kirgende birneshe kólikpen kelip jetken jergilikti turǵyndar zastava aýmaǵyna kirmek bolǵan. Osy kezde aspanǵa avtomattan oq atylǵan. Áskerı bólimniń qaqpasynyń aldyna adamdar toby jınalyp qalǵan. Osy kezde aýyl turǵyny S.A. qoǵamdyq orynda quqyq qorǵaý organy qyzmetkerleriniń atyna beıádep sózder aıtqan. Sotta ol óziniń istegenin moıyndady»,-dep habarlady Atyraý oblystyq sotynyń baspasóz qyzmeti.
Atyraý oblysy Isataı aýdandyq sotynyń qaýlysymen S.A. QR QK-niń 434 baby, 1 bóligi boıynsha kináli dep tanyldy jáne 5 táýlikke qamaýǵa alyndy.
