Atyraý oblysynda shekarashylar 50 myń túp qarasora órtedi
ATYRAÝ. QazAqparat – Atyraý oblysynda shekarashylar 50 myń túp qarasora órtedi, dep habarlaıdy QazAqparat.
Shekara qyzmeti Atyraý oblysy boıynsha departamentiniń Qurmanǵazy aýdanyndaǵy qyzmetkerleri Safon aýyldyq okrýginiń aýmaǵynda 3 gektarǵa ósirilgen esirtki alqabyn anyqtaǵan.
«Esirtki alqabynda 50 myń túp qarasora ósimdigi ósirilgen. Bul beıjaı qaraıtyn jaıt emes. Ásirese, 20-35 jas aralyǵyndaǵy jastardyń esirtki ónimderine qyzyǵýshylyq tanytýy túıtkildi másele aınalyp otyr. Qurmanǵazy aýdanynda esirtki ónimderin satýǵa qatysty 6 qylmys tirkelgen. Sol sebepten, esirtki ónimderin tamyrynmen joıyp, kontrabandalyq qylmystardyń aldyn alý maqsatyndaǵy jumystar jalǵasa beredi»,- deıdi Shekara qyzmeti Atyraý oblystyq departamentiniń baspasóz hatshysy Ómirbat Aıtáli.
Eske sala ketelik, budan buryn Atyraýda 24 mln teńgeniń esirtkisin satpaq bolǵan dinı aǵym ókilderi ustalǵan bolatyn.
