Atyraý oblysynda shegirtkege qarsy 28,2 myń gektar jerge hımııalyq óńdeý júrgiziledi
Agroónerkásiptik keshendegi memlekettik ınspektsııa komıteti Atyraý oblystyq aýmaqtyq ınspektsııasy basshysynyń mindetin atqarýshy Rýslan Shuǵaıypovtyń aıtýynsha, eki aýdanda úıirli shegirtkeler anyqtalǵan.
«Qurmanǵazy jáne Isataı aýdanynda hımııalyq óńdeý júrgiziletin 28 myń 200 gektar jer bar. Osy kezge deıin ıtalııalyq shegirtkege qarsy 5 myń 600 gektar jer tolyqtaı hımııalyq óńdeýden ótkizildi. Qazir 22 600 gektar jerge azııalyq shegirtkege qarsy óńdeý jumystary jalǵasyp jatyr. Bıyl egin alqaptaryna zııankesterden qaýip tónip turǵan joq. Biraq, eki aýdanda úıirli shegirtkeler bar. Sol sebepten, egin alqaptaryna almatylyq «Avıasıla» JShS jeńil avıatsııamen, al oraldyq «Magtoksın» JShS jeldetkish búrikkishpen óńdeý júrgizip jatyr», - dep habarlady Rýslan Shuǵaıypov.
Onyń aıtýyna qaraǵanda, jaıylym men shabyndyqtarǵa zııankesterden eshqandaı qaýip tónbegen. Biraq, shegirtkeniń júrý baǵyty baqylaýǵa alynǵan. ekenin jetkizdi.
«Qazir hımııalyq óńdeý eki aýdanda júrip jatyr. Keıin bul jumys Atyraý qalasynyń irgesindegi Keńózek aýyldyq okrýginiń aýmaǵynda jalǵasady. Munda kanaldardyń jaǵalaýyndaǵy 500 gektar shabyndyqty azııalyq shegirtkege hımııalyq óńdeýden ótkizý josparlanyp otyr», -dep málim etti Rýslan Shuǵaıypov.
Eske sala ketelik, budan buryn Atyraýda bıyl masany tórt preparatpen ýlap jatqanyn habarlaǵan bolatynbyz.
