Atyraý oblysynda sharýagerlerge 216 mln teńgeniń sýbsıdııasy berildi
ATYRAÝ. QazAqparat –Atyraý oblysynyń sharýagerlerine on aıda 216 mln teńgeniń sýbsıdııasy berildi, dep habarlaıdy QazAqparat.
Oblystyq aýyl sharýashylyǵy basqarmasynyń basshysy Qaırat Nurlybeavtyń málimetinshe, memleket tarapynan sharýagerlerge kórsetilip otyrǵan kómektiń nátıjesinde egistik kólemi ulǵaıǵan. Bıyl oblystaǵy 307 aýylsharýashylyq qurylymy 9300 gektar alqapqa tuqym seýip, 73 mlrd teńgeniń ónimin jınaǵan. Sonyń ishinde kartop daqylyna basymdyq berilip, 2042 gektar alqaptan 30 myń tonnaǵa jýyq ónim alynǵan.
«Memleket tarapynan tuqym sharýashylyǵyn qoldaýǵa, gerbıtsıd pen bıopreparattardy, mıneraldy tyńaıtqyshtardy satyp alýǵa, sý jetkizýge sýbsıdııa beriledi. Bıylǵy on aıda oblys sharýashylyqtary 216 mln teńgeniń sýbsıdııasyn aldy», - deıdi Qaırat Nurlybaev.
Onyń aıtýynsha, jyl sońyna deıin sharýagerlerge beriletin sýbsıdııanyń kólemi 260 mln teńgeni quraǵaly otyr.
