Atyraý oblysynda shańdy daýyl soǵady
ATYRAÝ. QazAqparat - Atyraý oblysynda búgin shańdy daýyl kóterilip, jyldamdyǵy 23 m/s bolaly, dep habarlaıdy QazAqparat tilshisi.
Atyraý oblystyq TJD 4 mamyrda aýa raıynyń nasharlaıtyny týraly eskertý jarııalady. Óńirde jyldamdyǵy 18-23 metr sekýnd bolatyn shańdy daýyl soǵady.
Eske salaıyq, 3 mamyrda oblysta Qurmanǵazy aýdany Órlik aýylyndaǵy orta mekteptiń 700 sharshy metr shatyryn jel ushyryp áketti. Al, oblys ortalyǵynda bes qabatty turǵyn úıdiń shatyryn jel qulatqan edi. Jeldiń kúshinen aǵashtar qulap, birneshe shaǵyn aýdan jaryqsyz qaldy. Qalada qolaısyz aýa raıynda jumys isteý úshin jedel shtab quryldy.
