Atyraý oblysynda shańdy daýyl qyrkúıektiń sońyna deıin jalǵasady
ATYRAÝ. QazAqparat – Atyraý oblysynda shańdy daýyl qyrkúıektiń sońyna deıin jalǵasady, dep habarlaıdy QazAqparat.
«Qazgıdromet» RMK-nyń Atyraý oblysy boıynsha fılıaly meteojaǵdaı bóliminiń bastyǵy Gúlaına Myrzashevanyń aıtýynsha, túnde aýa temperatýrasy 8 gradýsqa deıin tómendeýi múmkin.
«Sońǵy kúnderi atmosferalyq frontaldy bólikterdiń ótýine baılanysty Inder aýdanynda ekpini sekýndyna 17 metrge, ózge aýdandarda sekýndyna 15 metrge jetken jel soqty. Al, 28 qyrkúıekte kúndiz oblystyń ońtústik-shyǵysynda shańdy daýyl saqtalady. Qurmanǵazy aýdanynda jańbyr jaýady. Bizdiń boljamymyz boıynsha oblys aýmaǵyndaǵy shańdy daýyl qyrkúıek aıynyń sońyna deıin jalǵasady» - deıdi Gúlaına Myrzasheva.
Eske sala ketelik, budan buryn Atyraýda shańdy daýyl soǵyp turǵanyn habarlaǵan edik.
