Atyraý oblysynda segizinshi ottegi stansasy iske qosyldy

ATYRAÝ. QazAqparat – Atyraý oblysyndaǵy Inder aýdandyq aýrýhanasynda ottegi stansasy iske qosyldy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetinshe, qazir óńirdegi 7 aýrýhanada ortalyqtandyrylǵan ottegi stansasy jumys istep tur. Onyń ekeýi Qurmanǵazy men Qyzylqoǵa aýdanynda iske qosylǵan. Sondaı-aq, Atyraý qalasyndaǵy oblystyq perınataldyq jáne kardıologııalyq ortalyqtarda, oblystyq aýrýhana men №2 ınfektsııalyq, sondaı-aq, byltyr ashylǵan modýldi ınfektsııalyq aýrýhanalarda da ottegi stansasy bar.

«Óńirdegi 8-shi ottegi stansasy Inder aýdandyq aýrýhanasynda iske qosyldy. Endi Jylyoı aýdanynyń ortalyǵy – Qulsary qalasynda salynyp jatqan modýldi

ınfektsııalyq aýrýhanaǵa da ottegi stansasyn ornatý josparlanyp otyr», -dep habarlady basqarmanyń baspasóz qyzmeti.