Atyraý oblysynda saılaýshylardyń 62 paıyzy tańdaý jasap úlgerdi
ATYRAÝ. QazAqparat – Atyraý oblysynda saılaýshylardyń 62%-y daýys berdi, dep habarlaıdy QazAqparat.
Oblystyq aýmaqtyq saılaý komıssııasynyń tóraǵasy Azamat Aımanakýmovtyń aqparatyna qaraǵanda, 18 saılaý okrýgindegi 36 saılaý ýchaskesinde daýys berý jalǵasyp jatyr.
«Jergilikti ýaqytpen saǵat 16:00-de saılaýshylar tizimine engizilgen 44 305 adamnyń 62 paıyzy daýys berdi. Onyń ishinde saılaýshylardyń belsendiligi Atyraý qalasynda - 58%, Jylyoı aýdanynda 66,9%, Inderde – 71,2%, Isataıda – 69,5%, Qurmanǵazyda – 56,2%, Qyzylqoǵada – 66,1%, Mahambet aýdanynda 63,6%-dy qurady», - deıdi Azamat Aımanakýmov.
Eske sala ketelik, budan buryn Atyraý oblysynda saılaýshylardyń belsendiligi baıqalatynyn jazǵan bolatynbyz.
