Atyraý oblysynda sapasyz kólikti aýystyrýdan bas tartqan avtosalonǵa aıyppul salyndy
Komıtettiń baspasóz qyzmetiniń habarlaýynsha, tutynýshy «Ýral-Krov-Avto Plıýs» avtosalonynan avtokólik satyp alǵan. Kólik sapasyz bolyp shyqqan. Osyǵan baılanysty tutynýshy kólikti basqa jańa avtokólikke aýystyrýdy nemese tólengen qarajatty qaıtarý týraly «Ýral-Krov-Avto Plıýs» JShS-ne narazylyqpen júgingen.
Alaıda «Ýral-Krov-Avto Plıýs» JShS tutynýshynyń jazbasha narazylyǵyna jaýap bermesten, avtokólikti basqa jańa avtokólikke aýystyrýdy nemese avtokólikke tólengen qarajatty qaıtarýdan bas tartqan.
Osyǵan baılanysty tutynýshy Atyraý oblysy tutynýshylardyń quqyqtaryn qorǵaý departamentine aryz jazady.
Aryzǵa sáıkes Departament tarapynan «Ýral-Krov-Avto Plıýs» JShS-ne qatysty jospardan tys tekserý taǵaıyndaldy. Tekserý nátıjesimen QR ÁQBtK-niń 190-baby 5-tarmaǵy 2,3-tarmaqshalaryna sáıkes ákimshilik hattamalar toltyrylyp, «eskertý» túrindegi ákimshilik jaza qoldanyldy. Sonymen qatar, «Ýral-Krov-Avto Plıýs» JShS men tutynýshy arasyndaǵy jasalynǵan 08.09.2021 jylǵy №78 avtokólikti jetkizý týraly kelisimshartty buzyp, 11 022 300 teńge qarajatty qaıtarý týraly uıǵarym berildi.
Alaıda «Ýral-Krov-Avto Plıýs» JShS bul uıǵarymdy oryndamaǵan. Sol sebepti, Departament tarapynan «Ýral-Krov-Avto Plıýs» JShS-ne qatysty QR ÁQBtK-niń 462-baby 3 tarmaǵymen ákimshilik hattama toltyrylyp, sheshim qabyldaý úshin sotqa joldandy.
Sot sheshimimen «Ýral-Krov-Avto Plıýs» JShS-ne 428 820 teńge aıyppul salyndy. Sot sheshimimen kelispegendikten «Ýral-Krov-Avto Plıýs» JShS apellııatsııalyq shaǵym berdi. Alaıda, sottyń sheshimi ózgerissiz qaldy.
«Qazirgi ýaqytta «Ýral-Krov-Avto Plıýs» JShS men tutynýshy arasyndaǵy jasalynǵan avtokólikti jetkizý týraly kelisim shart buzylyp, 11 022 300 tenge qarajat tutynýshyǵa qaıtaryldy»,-delingen habarlamada.
