Atyraý oblysynda rezervat qyzmetkerleri brakonerlik áreketke bardy degen kúdikke ilindi
ATYRAÝ. QazAqparat - Atyraý oblysynda basty mindetteri tabıǵı qoryqty brakonerlerden qorǵaý bolyp tabylatyn «Aqjaıyq» rezervaty ınspektorlarynyń ózderi zańsyz áreketterge bardy degen kúdikke ilindi, dep habarlaıdy QazAqparat.
«Qala mańyndaǵy Mırnyı kenti mańynda «Nıva» kóligi toqtatylyp, oǵan tekserý júrgizilgen. Kólikte «Aqjaıyq» memlekettik tabıǵı rezervatynyń eki ınspektory otyrǵan, olardan sırek kezdesetin balyqtardyń 650 kelisi tabyldy. Ustalǵandar balyqty rezervatqa zańsyz qoıylǵan torlardan alǵandyqtaryn aıtty. Bul rette olar polıtsııa qyzmetkerlerine arnaıy nómirli blankige emes, jáı qaǵazǵa toltyrylǵan hattamany kórsetken»,-dep habarlady oblystyq Іshki ister departamentiniń tabıǵı resýrstarǵa qol suǵý áreketterimen kúres bóliminiń bastyǵy Serik Januzaqov.
Rezervat qyzmetkerlerin balyqpen ustaý faktisi boıynsha, Atyraý oblystyq Іshki ister departametiniń ókilderi QR QK-niń 335 baby boıynsha, «Balyq resýrstary men ózge de sý janýarlaryn men ósimdikterdi zańsyz aýlaý» áreketi boıynsha, sotqa deıingi tekserý jumystaryn bastady.
