Atyraý oblysynda revmatıkalyq aýrýy bar naýqastar sany ósken
Densaýlyq saqtaý mınıstrliginiń shtattan tys bas revmatology, professor, medıtsına ǵylymdarynyń doktory Ǵalymjan Toǵyzbaev bastaǵan top mamandary uıymdastyrýshylyq-ádistemelik kómek kórsetý úshin maqsatynda Atyraý oblysyndaǵy revmatologııalyq qyzmettiń jaı-kúıine taldaý júrgizdi. Ásirese, gendik-ınjenerlik bıologııalyq terapııa úshin revmatıkalyq aýrýlary bar patsıentterdi irikteýge baılanysty máselelerge nazar aýdaryldy.
«Sońǵy jyldary Atyraý oblysynda statsıonarlyq emdeýdi qajet etetin revmatıkalyq aýrýlary bar patsıentter sanynyń óskeni tirkelip otyr. Mysaly, 2021 jyly dıspanserlik esepte 2068 patsıent bolǵan. Al, 2022 jyly olardyń sany 3045-ke deıin ósti. Statsıonarlyq emdeýge 2021 jyly 376 patsıent, al 2022 jyly 428 patsıent emdeýge jatqyzyldy», -dep habarlady Densaýlyq saqtaý mınıstrliginen.
Osyǵan baılanysty Atyraý oblystyq kópbeıindi aýrýhanasynda revmatologııalyq ortalyq ashý týraly sheshim qabyldanǵan. Buǵan asqynýlarmen bolǵan júrek-qan tamyry syrqatynyń asqynýynan keıin medıtsınalyq kómekke muqtaj patsıentter sanynyń ulǵaıǵany sebep bolǵan.
Ortalyqta konsýltatsııalyq-dıagnostıkalyq kómek kórsetýge arnalǵan birneshe kabınet bolady. Onyń ishinde revmatolog, gendik-ınjenerlik bıologııalyq terapııa (GIBT), býynishilik manıpýlıatsııalar kabınetteri bar. Sondaı-aq táýlik boıǵy statsıonar men kúndizgi statsıonardyń tósekteri qarastyrylǵan. Kópbeıindi top revmatıkalyq aýrýlary bar patsıentterdi irikteıdi.
Qazir Atyraýda 7 revmatolog dáriger bar. Onyń ekeýi oblystyq aýrýhanada, ózgesi №1, №4 jáne «Aman-saýlyq» emhanasynda jumys isteıdi.
Eske sala ketelik, buǵan deıin Atyraýdaǵy perınataldyq ortalyqtyń palatasyn tyshqan aralap júrgenin habarlaǵan bolatynbyz.
