Atyraý oblysynda revaktsınalaýdan 6 myńnan astam adam ótti
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda,
Covid-19 ınfektsııasyna qarsy vaktsınalardy alýshylar qatary kóbeıgen.
Bıylǵy 1 aqpannan beri vaktsınalardyń I komponentin 256 290 atyraýlyq saldyrǵan.
Vaktsınalardyń II komponentin ektirgender sany 237 434 adamǵa jetken.
«Atyraý oblysynda 23 qarashada revaktsınalaý bastalǵan edi. Sodan beri revaktsınatsııadan ótýge ynta tanytqandar sany artyp otyr. Revaktsınalaýdy alýshylar qatarynda dárigerler men, muǵalimder, quqyq qorǵaý organdary men arnaıy mekemelerdiń
qyzmetkerleri, polıtseıler men memlekettik qyzmetshiler, sondaı-aq, sozylmaly
syrqatymen esepte turatyn patsıentter bar. Búginge deıin osyndaı sanattardaǵy 6 163
adam revaktsınalaýdan ótti», -dep habarlady basqarmanyń baspasóz qyzmeti.
Sondaı-aq, 20 qarashadan beri Rfizer vaktsınasy salynyp jatyr.
«Óńirge balalarǵa, júkti áıelder men bala emizetin analarǵa salý úshin Pfizer vaktsınasynyń 32 760 dozasy jetkizilgen edi. Bul vaktsınany alatyndar tizimine 12 men 18 jas aralyǵyndaǵy 63 138 jasóspirim men bala emizetin jáne júktiligi bar 35 362 áıel engizilgen. Olardyń 70 paıyzynda – 76 myń adamda vaktsına alýǵa qarsy kórsetilim joq.
Osy kezge deıin Pfizer ekpesin alǵan jasóspirimder men áıelderdiń sany 2 171 adamdy qurap otyr», -dep málim etti basqarmanyń baspasóz qyzmetinen.
Eske sala ketelik, budan buryn Atyraý oblysynda 1 864 adam Rfizer vaktsınasyn
saldyrǵanyn jazǵan bolatynbyz.
