Atyraý oblysynda Reseımen shekaradaǵy aýylda jedel járdem beketi ashyldy

ATYRAÝ. QazAqparat – Atyraý oblysy Reseıdiń Astrahan óńirimen shektesedi. Eki el shekarasyndaǵy Qurmanǵazy aýdanynyń Kotıaev aýylynda jedel járdem stansasynyń qosalqy beketi ashyldy, dep habarlaıdy QazAqparat.

Oblystyq Densaýlyq saqtaý basqarmasy baspasóz qyzmetiniń málimetinshe, budan bylaı Qazaqstan-Reseı shekarasy mańynda jol-kólik oqıǵasynan zardap shekkenderge, sondaı-aq aýyl turǵyndarynyń 1, 2 jáne 3-sanattaǵy shaqyrýlaryna jedel medıtsınalyq kómek kórsetiletin bolady.

«Qosalqy medıtsınalyq jedel járdem stansasy shuǵyl medıtsınalyq kómek kórsetiletin sanıtarlyq reanımobılmen qamtyldy. Arnaıy kólik zardap shekkenderge alǵashqy medıtsınalyq kómek kórsetý úshin qajetti jabdyqtarmen jabdyqtalǵan. Jedel járdem beketi radıýsy 10-12 shaqyrymda ornalasqan Kýdrıashov, Jastalap aýyly men paromǵa deıingi aýmaqty qamtıdy. Bekette táýlik boıy 2 feldsher men 1 júrgizýshi jumys isteıdi. Al, arnaıy brıgada turǵyndarǵa keshki saǵat 17:00-den tańǵy saǵat 9:00-ge deıin, sondaı-aq demalys, mereke kúnderi qyzmet kórsetedi.

Eske sala ketelik, buǵan deıin Atyraýda koronavırýs juqtyrǵan naýqastardyń jaǵdaıyn Call-ortalyqtan bilýge bolatynyn jazǵan edik.