Atyraý oblysynda Reseıge baratyn jol qaıta jańǵyrtylyp jatyr

ATYRAÝ. QazAqparat – Roman Sklıar jáne Atyraý oblysynyń ákimi Mahambet Dosmuhambetov Qurmanǵazy aýdanyna bardy. Munda vıtse–premer respýblıkalyq mańyzy bar «Aqtóbe ‒ Atyraý ‒ RF shekarasy» avtojoly qurylysynyń barysyn tekserdi, dep habarlaıdy QazAqparat primeminister.kz-ke silteme jasap.

Premer-Mınıstrdiń orynbasary Roman Sklıar Atyraý oblysyna jumys sapary aıasynda «Nurly jol» baǵdarlamasynyń ınfraqurylymdyq jobalaryn júzege asyrý barysymen tanysyp, «Aqtóbe ‒ Atyraý ‒ RF shekarasy» avtomobıl jolynyń qaıta qurý ýchaskesine bardy.

Olardyń árqaısysynda merdigerlik uıymdardyń basshylary turaqty jumys barysyn qamtamasyz etý jónindegi sharalar men aldaǵy kezeńge arnalǵan jumys jospary týraly baıandady.

Joldyń jalpy uzyndyǵy 893 shaqyrym. Onyń ishinde 545 shaqyrym jol Atyraý oblysynyń aýmaǵynan ótedi. «Nurly jol» memlekettik baǵdarlamasy aıasynda 432 km qaıta jańartylady (330-598 km Atyraý ‒ Aqtóbe, 616-893 km Atyraý ‒ Astrahan RF). Jol qurylysy jumystary eki baǵytta júrgizilýde.

Vıtse-premer nysandy tekserýdi qorytyndylaı kele, qurylysty ýaqytyly ári sapaly aıaqtaý boıynsha mindetter júktedi.