Atyraý oblysynda polıtsııa qyzmetkeri adam qaǵyp, oqıǵa ornynan qashyp ketti
ATYRAÝ. QazAqparat - Atyraý oblysynda polıtsııa qyzmetkeri adam qaǵyp, oqıǵa ornynan qashyp ketti, dep habarlaıdy QazAqparat tilshisi.
«Isataı aýdany Zıneden aýyly mańyndaǵy avtojolda aýdandyq polıtsııa bóliminiń qyzmetkeri «Aýdı-A6» kóligimen jumystan tys ýaqytta jolaýshyny qaǵyp ketti. Sodan keıin ol oqıǵa ornynan qashyp ketken. Apat saldarynan 25 jastaǵy er adam oqıǵa ornynda kóz jumdy», - dep habarlady óńirlik PD baspasóz qyzmetinen.
QR QK 345-babynyń 3-bóligine sáıkes, baıqaýsyzda adam ólimine ákep soqtyrǵan jol qozǵalysy erejesin buzǵany úshin jazalaýdy qarastyratyn sotqa deıingi tergeý bastaldy. Sondaı-aq, QR QK 347-baby boıynsha jol apaty ornynan ketip qalý deregi de tekseriledi.
Jol apatyna kináli tulǵaǵa qatysty qamaýǵa alý sharasyn tańdaý máselesi sheshilýde.
