Atyraý oblysynda polıtsııa basshylaryn paramen qolǵa túsirgen sáttiń vıdeosy jarııalandy

NUR-SULTAN. QazAqparat – Atyraý oblysy boıynsha Polıtsııa departamentiniń Tyldyq qamtamasyz etý basqarmasynyń avtosharýashylyq basshysy, polıtsııa podpolkovnıgi men onyń orynbasary, polıtsııa maıoryna qatysty para aldy degen kúdikpen sotqa deıingi tergeýdi bastaldy. Bul týraly Qazaqstan Respýblıkasy Sybaılas jemqorlyqqa qarsy is-qımyl agenttiginiń baspasóz qyzmeti habarlaıdy.

«Olar bir top adammen aldyn ala sóz baılasyp, birneshe JShS dırektorynan TQB Avtosharýashylyǵy bastyǵynyń kartochkalyq shotyna aýdarý arqyly 2,5 mln. teńge kóleminde para alyp, sondaı-aq polıtsııa departamentiniń avtokóligine qyzmet kórsetý boıynsha qosymsha kelisimge qol qoıý úshin 37 mln. teńge kóleminde para aldy degen kúdikke ilinip otyr» delingen habarlamada.

Málimetke saı, 24 qyrkúıekte jedel-tergeý is-sharalary barysynda atalǵan polıtsııa qyzmetkerleri kórsetilgen somany qolma-qol aqshaǵa aınaldyrǵan kezde ustaldy (jeke tintý kezinde TQB avtosharýashylyǵy bastyǵynan 800 myń teńge, onyń orynbasarynan 1 mln. 200 myń teńge alyndy).

Sotqa deıingi tergeý jalǵasýda.

Kúdiktilerge qatysty túpkilikti sheshimdi olardyń kinásiniń deńgeıin anyqtaý arqyly sot qabyldaıtyn bolady.