Atyraý oblysynda páter tonaǵan 8 kúdikti ustaldy
ATYRAÝ. QazAqparat – Atyraý oblysynda páter tonaǵan 8 kúdikti ustaldy, dep habarlaıdy QazAqparat.
Oblystyq polıtsııa departamenti málimetinshe, 19-21 mamyrda Atyraý oblysy aýmaǵynda «Páter» jedel-profılaktıkalyq is-sharasy ótkizilgen. Maqsat – páter urlyǵyn jasaýǵa qatysy bar kúdiktilerdi anyqtaý, ustaý jáne qylmystyq jaýapkershilikke tartý.
«Qaýipsiz aýla» jobasynyń sheńberinde kóp qabatty úılerdiń kireberisine beınebaqylaý kameralaryn ornatý úshin PIK-termen baılanys uıymdastyrylyp jatyr. Іs-shara kezinde oblysta ótken jyldary jasalǵan 4, buryn bolǵan páter tonaýǵa qatysty 3 urlyq ashyldy. Páter urlyǵy qylmysyn jasaǵan 8 kúdikti ustaldy. Onyń bireýi osy kezge deıin izdestirýde bolǵan», - deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Eske sala ketelik, buǵan deıin Atyraý oblysynda 15 páterdi tonaǵan kúdiktiler ustalǵan
bolatyn.
