Atyraý oblysynda paranyń ortasha mólsheri ataldy
Sybaılas jemqorlyqqa qarsy is-qımyl agenttiginiń Atyraý oblysytyq departamenti basshysynyń birinshi orynbasary Aıdos Mamyttyń málimetine súıensek, aldyn alý jáne qylmystyq-quqyqtyq sharalar keshenin engizý nátıjesinde óńirde sybaılas jemqorlyq qylmysynyń 39%-ǵa tómendeý úrdisi baıqalǵan.
«Máselen, 2020 jyldyń 9 aıynda 95 sybaılas jemqorlyq quqyq buzýshylyq tirkelgen edi. Al, bıylǵy 9 aıda 58 derek tirkelip otyr. Anyqtalǵan qylmystar qurylymynda paraqorlyq (41), urlaý jáne alaıaqtyq (15) derekteri eleýli úleske ıe. Esepti kezeńde 28 adam sottaldy. Departamenttiń yqpalymen jergilikti qazynaǵa 548 mln 803 myń teńge qaıtaryldy» -deıdi Aıdos Mamyt.
Onyń aıtýynsha, 9 aıda 10 ákimshilik hattama toltyrylyp, 2 mln 479 myń teńge aıyppul salynǵan. Osy kezeńde 21 er adam men 6 áıel jemqorlyq quqyq buzýshylyq úshin jaýapkershilikke tartylǵan.
«Sybaılas jemqorlyq deregin kóp tirkeletin úshtikke quqyq qorǵaý organdary (18 derek), ákimdikter (11 derek) men salyq salasy (11 derek) kirdi. Bıylǵy jyly paranyń ortasha mólsheri 13 myń teńgeni qurap otyr. Al, byltyr bul kórsetkish shamamen 5 mln teńgege teń boldy. Atyraý oblysynda 2020 jylǵy paranyń jalpy mólsheri 193 mln teńgeni qurady. Al, bıylǵy 9 aıdaǵy paranyń mólsheri – 507 myń teńge» -dep málim etti Aıdos Mamyt.
Eske sala ketelik, budan buryn Atyraý oblysynda sybaılas jemqorlyq deńgeıi tómendegenin habarlaǵan edik.
