Atyraý oblysynda para alǵan polıtsııa qyzmetkerlerine qatysty úkim shyqty
ASTANA. QazAqparat - Atyraý oblysynda Maqat aýdandyq soty Aýdandyq ishki ister bóliminiń birinshi orynbasary men onyń eki qyzmetkerine qatysty úkimdi jarııalady, dep habarlady «QazAqparat» HAA tilshisi.
«Maqat AІІB bastyǵynyń orynbasary D. Buljanov pen onyń qyzmetkerleri A. Saǵıev pen A. Saǵymbaıǵa qatysty sotaldy tergeý aıaqtaldy. Olar kúdiktiden deldal E. Erǵojıev arqyly 200 myń teńge para alyp, qylmystyq isti toqtatýǵa járdem kórsetkeni úshin aıyptaldy. Maqat aýdandyq sotynyń úkimimen D. Buljanovqa 14 mln teńge, A. Saǵıtovqa - 17,5 mln teńge kóleminde aıyppul tóleý úkimi shyqty», - dep habarlady Atyraý oblysy boıynsha Sybaılas jemqorlyqqa qarsy ulttyq bıýro departamentinen.
«Bular ómir boıyna quqyq qorǵaý organdarynda jumys isteý quqyǵynan, arnaıy ataqtarynan aıyrylyp, zańsyz jolmen tapqan múlki tárkilene otyryp, para alǵany úshin aıypty dep tanyldy. Erǵojıev para alǵany úshin aıypty dep tanyldy jáne oǵan 2 mln teńge kóleminde aıyppul tóleý úkimi shyqty», - dep naqtylady departamenttiń baspasóz qyzmetindegiler.
