Atyraý oblysynda para alǵan aýyl ákimge 6,2 mln teńge aıyppul salyndy
ATYRAÝ. QazAqparat - Atyraý oblysynyń Aqsaı aýyldyq okrýginiń ákimi para alǵany úshin 6,2 mln teńge aıyppul tóleıdi, dep habarlaıdy QazAqparat.
«Aqsaı aýyldyq okrýginiń ákimi D.Dosqalıevke qatysty jeke kásipkerden Aqsaı kentinde turǵyn úı salýǵa jer telimin alýǵa ruqsat beretin qujatqa qol qoıý úshin 185 myń teńge kóleminde para alý boıynsha sotaldy tergeý aıaqtaldy. Atyraý qalalyq sotynyń úkimimen D.Dosqalıev 6,2 mln teńge aıyppul tóleıdi, ómir boıy memlekettik qyzmetti atqarý quqyǵynan aıyryldy jáne zańsyz jolmen tapqan múlki tárkilenedi», - dep habarlady Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamenti.
