Atyraý oblysynda óz isin talapqa saı oryndamaǵan kásiporynǵa qomaqty aıyppul salyndy

NUR-SULTAN. QazAqparat - Atyraý oblysynda bekitilgen tarıftik smetanyń shyǵyn baptaryn oryndamaǵany úshin «Magıstraldyq Sýaǵyzǵysy» JShS-ne 4 444 800 teńge aıyppul salyndy, dep habarlaıdy QazAqparat QR Ulttyq ekonomıka mınıstrligi, Tabıǵı monopolııalardy retteý komıtetiniń baspasóz qyzmetine silteme jasap.

Baspasóz qyzmetiniń málimetterine qaraǵanda, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Atyraý oblysy boıynsha departamenti «Magıstraldyq Sýaǵyzǵysy» JShS-sin ákimshilik jaýapqa tartyp, bir myń alty júz aılyq eseptik kórsetkish kóleminde nemese 4 444 800 (tórt mıllıon tórt júz tórt myń segiz júz) teńge aıyppul saldy.

«Magıstraldyq Sýaǵyzǵysy»» JShS-i «Tabıǵı monopolııalar týraly» Qazaqstan Respýblıkasy Zańynyń 26-baby 2-tarmaǵynyń 15) tarmaqshasyndaǵy mindettemelerin oryndamaǵany úshin «Ákimshilik quqyq buzýshylyq týraly» Qazaqstan Respýblıkasy Kodeksiniń 164-babynyń 4-bóligi boıynsha ákimshilik jaýapqa tartyldy.

«Atap aıtqanda, «Magıstraldyq Sýaǵyzǵysy» JShS-y sýdy magıstraldyq qubyr joldary arqyly berý qyzmetine bekitilgen tarıftik smetanyń shyǵyn baptarynyń bekitilgen tarıftik smetada kózdelgen mólsherdiń 5 paıyzynan astamyn oryndamaǵan»,-delingen habarlamada.