Atyraý oblysynda ótken táýlikte 18 adam koronavırýs juqtyrdy
Oblystyq densaýlyq saqtaý basqarmasynyń baspasóz qyzmetinen málim etkendeı, qaýipti vırýsty juqtyrýshylar qaıta kóbeıe bastaǵan.
«Sońǵy táýlikte óńirde koronavırýs ınfektsııasyn juqtyrǵan 18 naýqas anyqtaldy. Atyraý qalasynda Covid-19 ınfektsııasyna shaldyqqan 12 jaǵdaıy rastaldy. Al, Teńiz ken ornynda 6 naýqas anyqtaldy», -dep habarlady basqarmanyń baspasóz qyzmeti.
Qazir 77 adam úı jaǵdaıynda, 84 naýqas ınfektsııalyq statsıonarlarda emdelý úshin oqshaýlanǵan. Onyń ishinde modýldik aýrýhanada – 57, Jylyoı aýdanynda ornalasqan Teńiz ken ornyndaǵy statsıonarda – 17, aýdandardaǵy ınfektsııalyq statsıonarlarda 10 patsıent hattamaǵa sáıkes emdelip jatyr.
Eske sala ketelik, budan buryn Atyraý oblysynda jaǵdaıy aýyr 12 naýqas jansaqtaý bóliminde jatqanyn jazǵan edik.