Atyraý oblysynda otqa oranǵan úıden 26 adam qutqaryldy
ATYRAÝ. QazAqparat - Atyraý oblysynda órtengen úıden 26 adam, sonyń ishinde 7 bala qaýipsiz jerge kóshirildi, dep habarlaıdy QazAqparat tilshisi.
«Qulsary qalasynyń №2 shaǵynaýdanyndaǵy bes qabatty turǵyn úıde órt tutanǵany týraly habar №2 mamandandyrylǵan órt sóndirý bólimshesiniń dıspetcherlik qyzmetine búgin 01:23-te keldi. Órt sóndirýshiler páterlerdiń birinde órt tutanyp, joǵary qabattar tútinge oranǵanyn anyqtady. Úıden 26 adam, sonyń ishinde 7 bala qaýipsiz jerge kóshirildi», - dep málimdedi Atyraý oblystyq TJD baspasóz qyzmeti.
Órtti sóndirýge 10 qutqarýshy jáne 2 arnaıy tehnıka jumyldyryldy. Órt 02:03-te aýyzdyqtalyp, 02:20-da tolyqtaı sóndirildi.
Qurban bolǵandar joq, eshkim zardap shekpegen.
