Atyraý oblysynda «Otbasynyń tsıfrlyq kartasy» pılottyq jobasy iske qosyldy
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, Memleket basshysynyń Joldaýyna sáıkes, áleýmettik qamsyzdandyrý júıesine birqatar ózgeris engizilgeli otyr. Endi árbir otbasynyń quramy men ál-aýqat deńgeıine qaraı memlekettik kepildik túrlerin alý quqyǵy biryńǵaı júıemen anyqtalady.
«Búgin «Otbasynyń tsıfrlyq kartasy» pılottyq jobasy iske qosylyp, 10 atyraýlyqqa alǵashqy sms-habar jiberildi. Osy joba ári qaraı júzege asyrylatyn bolsa, turǵyndar kómek alý úshin qujat tapsyryp júrmeıdi. Óıtkeni «Otbasynyń tsıfrlyq kartasy» aqparattyq júıesine azamattyń áleýmettik sanaty engiziledi. Sodan soń avtomatty júıeden kimge qandaı áleýmettik tólem nemese járdemaqy tıesili ekenin habarlaıtyn sms-habar joldanady. Qazir azamattardy áleýmettik sanatyna qaraı osy júıege engizý jáne aqparattardyń durys-burystyǵyn tekserý jumystary júrip jatyr», -dedi Azamat Mámbetov.
Onyń aıtýyna qaraǵanda, keler jyly jastardy eńbekpen qamtıtyn túrli is-sharalar qolǵa alynady. Sondaı-aq, jastardyń kásipkerlik bastamalaryna qoldaý kórsetiledi.
Eske sala ketelik, budan buryn Atyraý oblysynda 181 jumysshyǵa 37,2 mln teńge jalaqy qaryzy ótelgenin habarlaǵan edik.
