Atyraý oblysynda onkologııalyq aýrýlar 119 paıyzǵa tómendedi
Atyraý oblystyq onkologııa dıspanseriniń dırektory Elmıra Saparovanyń málimetinshe, byltyr qaterli isikpen aýyratyn 1063 naýqas tirkelgen.
«Óńirde onkologııalyq aýrýlardyń joǵary kórsetkishi Maqat, Qyzylqoǵa, Inder aýdandarynda tirkelgen. Onyń ishinde birinshiden, ókpe ragy, ekinshiden, sút bezi, úshinshiden kolorektaldi obyry basym bolyp tur. Tórtinshiden, asqazan obyry asqynǵan. Jatyr moıny jáne sút bezi obyryn anyqtaý úshin áıelderdi skrınıngtik tekserý kórsetkishi sáıkesinshe, 92% jáne 94% qamtydy. Tekserýdiń nátıjesinde, sút bezi obyrynyń 26, jatyr moıny obyrynyń 16, toq ishek qaterli isiginiń 5 jaǵdaıy erte satysynda anyqtaldy», -deıdi Elmıra Saparova.
Onyń aıtýynsha, onkologııalyq aýrýlardan ólimniń tómendeýi 100 myń turǵynǵa shaqqanda 74 paıyzdy quraıdy. Osy kórsetkishti saqtap qalý úshin jáne ólimniń aldyn alý maqsatynda turǵyndardyń emhanalarǵa der kezinde júginý qajet.
«Bıylǵy jyl basynan beri qaterli isikpen 241 naýqas tirkeldi. Bul ótken jylmen salystyrǵanda 29 naýqasqa azaıyp, aýrý kórsetkishiniń dınamıkasy 11,9 paıyzǵa tómendedi», -dep málim etti Elmıra Saparova.
Atyraý qalasyndaǵy onkologııa dıspanseri 1973 jyly ashylǵan. Aldaǵy jyly onkologııa dıspanseri men radıologııa úshin jańa ǵımarattyń qurylysyn júrgizý josparlanǵan.
Eske sala ketelik, buǵan deıin Atyraýda onkologııalyq dıspanserdiń esebinde 4 500 adam turǵanyn habarlaǵan edik.