Atyraý oblysynda óndirilgen ónerkásip óniminiń kólemi 2,5 trln teńgege jýyqtady
ATYRAÝ. QazAqparat – Atyraý oblysynda óndirilgen ónerkásip óniminiń kólemi 2,5 trln teńgege jýyqtady, dep habarlaıdy QazAqparat.
Oblys ákimi Mahambet Dosmuhambetovtiń málimetinshe, munaıly óńirde ónerkásip ónimderin óndirý kólemi 2 trln 467 mlrd teńgege jetken. ⠀
«Sonyń ishinde taý-ken ónerkásibinde 2 trln 200 mlrd teńgeniń ónimi óndirildi. Al, óńdeý ónerkásibindegi ónim kólemi 267 mlrd teńgege jetti. Atalǵan kórsetkishtiń respýblıka kólemindegi úlesi 20 paıyzdy quraıdy», - dedi Atyraý oblysynyń ákimi Mahambet Dosmuhambetov.
Sondaı-aq, oblysta 25 mln tonna munaı men 13 mıllıard tekshe metrge jýyq ilespe gaz óndirilgen. Bul ótken jylmen salystyrǵanda, sáıkesinshe, 107 jáne 110 paıyzdy qurap otyr.
Eske sala ketelik, budan buryn Atyraý ákimdigi forým-semınar ótkizýden bas tartyp, 4 mlrd teńgeni únemdegen edi.
