Atyraý oblysynda ondaǵan jylqy gaz qubyry úshin qazylǵan jyrada mert boldy
ATYRAÝ. QazAqparat - Atyraý oblysynyń Isataı aýdanynda eki kenish arasynda gaz qubyryn tóseý úshin qazylǵan jyraǵa túsip ketken ondaǵan jylqylar men túıe mert boldy.
«Gaz qubyryna arnalǵan jyranyń uzyndyǵy - 13,5 shaqyrym. Jumystardy 2015 jylǵy 31 jeltoqsanǵa aıaqtaý josparlanǵan bolatyn. Alaıda dollar baǵamynyń ózgerýimen baılanysty biz der kezinde onyń ár shaqyrymynda eki danadan ornatylatyn kondensat jınaǵyshty ala almaı qaldyq. Sondyqtan da Jańa jylǵa deıin gaz qubyry qurylysy aıaqtalmaı qaldy. Odan keıin ony qalyń qar basyp qaldy. Bul dalada baqtashysyz jaıylyp júrgen janýarlardyń jyraǵa túsip ketip, mert bolýyna ákep soqty. Ázirge 40 jylqy men túıeniń mert bolǵany belgili. Maldardyń qojaıyndaryna ótemaqy tóleý máselecin sheshetin bolamyz. Biz óz kinámizdi moıyndaımyz», - dep habarlady «Monolıtınvest» JShS bas dırektory Bıbinur ıÝsýpova.
