Atyraý oblysynda oqýshylarǵa berilgen planshetterden aqaý tabyldy
«Atyraý – adaldyq alańy» jobalyq keńsesiniń qoǵamdyq baqylaýy Atyraý qalasy men aýdandarǵa bólingen planshetterdiń tehnıkalyq sapasy men taratylýyna monıtorıng júrgizdi.
«Monıtorıng kezinde jańa planshetterdiń keıbiri jaramsyz bolyp shyqty. Atap aıtqanda, mektepterge taratylǵan 1999 planshettiń 166-synan aqaý tabyldy.
Máselen, Jylyoı aýdanynda 400 planshettiń 44-i, Inder aýdanynda 240 planshettiń tórteýi, Isataıda 240 planshettiń 29-y, Qurmanǵazy aýdanynda 400 planshettiń úsheýi, Qyzylqoǵada 240 planshettiń 27-si, Maqatta 206 planshettiń 20-sy, Mahambet aýdanynda 273 planshettiń 39-y paıdalanýǵa jaramsyz ekeni anyqtaldy. Bıýdjet qarajatyna satyp alynǵan planshetterdiń kelisimshartqa sáıkes, bir jyldyq kepildik merzimi bar. Soǵan baılanysty olardy jańasyna aýystyryp berý jalǵasýda», - dep habarlady oblystyq sybaılas jemqorlyqqa qarsy is-qımyl departamentiniń baspasóz qyzmetinen.
Eske sala ketelik, budan buryn Atyraý oblysynyń mektepterine planshetter jetkizilgenin habarlap edik.