Atyraý oblysynda oqýlyqtardy satyp alýǵa 1 mlrd 667 myń teńge bólindi

ATYRAÝ. QazAqparat – Atyraý oblysynda oqýlyqtardy satyp alýǵa 1 mlrd 667 myń teńge bólindi, dep habarlaıdy QazAqparat.

Oblystyq bilim basqarmasynyń basshysy Satqan Esenǵalıevtyń aıtýynsha, jańa oqý jylynda 143 myńnan astam oqýshy mektepke barady. Óńir mektepterinde 14 myń muǵalim jumys isteıdi.

«Mektep muǵalimderi tolyqtaı vaktsına aldy. Barlyq mektepke dezınfektsııalyq quraldar satyp alyndy. Oqýlyqtardy satyp alýǵa 1 mlrd 667 myń teńge qarjy bólindi. Qazir 15 baspa úıimen kelisim jasaldy» -deıdi Satqan Esenǵalıev.

Eske sala ketelik, buǵan deıin Atyraý oblysynda 14 myńnan bala 1-shi synypqa baratynyn jazǵan edik.