Atyraý oblysynda múıizdi iri qaranyń neden qyrylǵany anyqtaldy
ATYRAÝ. QazAqparat – Atyraý oblysynyń Inder aýdanynda múıizdi iri qaranyń neden qyrylǵany anyqtaldy, dep habarlaıdy QazAqparat.
Óńirlik kommýnıkatsııalar qyzmetiniń aqparatyna súıensek, budan buryn Inder aýdanynyń Jarsýat aýylyndaǵy Qýraıly saı kanaly men Aıdyn ýchaskesindegi egistik alqabynda 13 múıizdi iri qaranyń ólimi tirkelgen. Oblystyq mal dárigerlik zerthanasyna jiberilgen saraptama nátıjesine sáıkes, sıyrlardyń ólimi egistik alqabynda jınalmaı qalǵan pııazdy shamadan tys jeý saldarynan bolǵan.
«Inder aýdandyq veterınarııalyq ınspektsııasy men veterınarııalyq stansasynyń mamandary ólgen maldy erejege sáıkes soıyp, tekserý júrgizdi. Sonyń qorytyndysynda múıizdi iri qaranyń pııazdy shamadan tys mólsherde jep, as qorytý joldary qyzmetiniń nasharlaýynan ólgeni anyqtaldy.
Zerthanalyq saraptaý nátıjesinde maldyń ishki qurylysynda nıtrat, nıtrıt jáne alkoloıdtter qalypty jaǵdaıda bolǵan» -deıdi Inder aýdandyq ákiminiń orynbasary Salaýat Óteǵulov.
Qazir Inder aýdanynyń ákimdigi egistik alqabyndaǵy ónimin ýaqytyly jınamaǵan jeke kásipkerge ákimshilik shara qoldaný týraly aýdandyq prokýratýra men oblystyq jerdiń qorǵalýy men paıdalanýyn baqylaý basqarmasyna hat joldady.
