Atyraý oblysynda munaı men gazdyń jańa ken orny tabyldy

ASTANA. QazAqparat - Devon shógindileri kezinde paıda bolǵan Ańsaǵan tuz qabatynyń astynda munaı men gaz ken oryny tabyldy, dep habarlaıdy QR Energetıka mınıstrligi.

«Ańsaǵan» ken orny Atyraý oblysy, Jylyoı aýdanynda ornalasqan. Ondaǵy munaı-gaz oshaǵy Teńiz ken ornyna qaraǵanda, tereńirek shoǵyrlanǵan. Ken ornyndaǵy qordyń kólemi úlken dep baǵalanýda. Josparlanǵan barlaý jumystarynyń úlken kólemi boljamdy kómirsýtegi resýrstaryn rastaýǵa baǵyttalǵan», - delingen habarlamada.

Energetıka mınıstrliginiń deregi atalǵan aýmaqtaǵy asa tereńdegi tuzasty qabatynyń áleýeti Ańsaǵandaǵy jeńil munaıdyń joǵary debetin alýǵa múmkindik barlyǵyn rastaıdy.