Atyraý oblysynda mototsıklmen kıik qýǵan turǵyn ustaldy
ATYRAÝ. QazAqparat – Atyraý oblysynyń polıtseıleri Qurmanǵazy aýdanynda mototsıklmen kıik qýǵan turǵyndy ustady, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetine súıensek, Qurmanǵazy aýdanyndaǵy Eginqudyq aýylynyń turǵyny mototsıklmen dalada kıikti qýyp qulatqan.
«Polıtsııa qyzmetkerlerimen kúdiktiniń turǵylyqty mekenjaıyn tekserý kezinde kıiktiń eti men múıizi, basqa da aıǵaq zattar tabylyp, tárkilendi»- dep habarlady baspasóz qyzmeti.
Qazir atalǵan kúdiktige qatysty QR Qylmystyq kodeksiniń 339-babymen (Janýarlardyń sırek kezdesetin jáne quryp ketý qaýpi tóngen túrlerimen, olardyń bólikterimen nemese derıvattarymen zańsyz aınalysý) sotqa deıingi tergep-tekserý júrgizilýde.
