Atyraý oblysynda mobıldi toptar jyl basynan beri 3000-nan astam nysandy tekserdi
NUR-SULTAN. QazAqparat - 2021 jyldyń 1 - 10 qańtary aralyǵynda mobıldik toptar 903 reıd júrgizip, 3 769 nysandy teksergen, dep habarlaıdy |QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Kanaldaǵy derekterge qaraǵanda, r eıd barysynda sanıtarııalyq-epıdemıologııalyq talaptardy jáne karantın talaptaryn saqtamaý boıynsha 28 zańbuzýshylyq anyqtaldy.
Máselen, Qyzylqoǵa aýdanynda jappaı otbasylyq is-sharalardy ótkizýge tyıym salynǵanyna qaramastan, osy ýaqyt aralyǵynda 2 úılený toıy ótkizilgen. Sondaı-aq, Atyraý qalasynda Bas memlekettik sanıtarlyq dárigeriniń qaýlysyna sáıkes qyzmetine tyıym salynǵan «Regıonbet» loto klýby kelýshilerdi jasyryn qabyldaǵany anyqtaldy. Sonymen qatar, Jylyoı aýdany, Teńiz vahtalyq qalashyǵynda betperde rejımin saqtamaýdyń 2 faktisi jáne bekitilgen jumys rejımin buzýdyń 1 faktisi tirkeldi. 22 materıal qaralý ústinde.
Qazirgi tańda, mobıldi toptar men jergilikti polıtsııa departamentinen túsken materıaldar boıynsha QR «Ákimshilik quqyq buzýshylyq týraly» Kodeksiniń 425-baby 1-bóligine sáıkes jalpy somasy 547 975 teńge kóleminde 6 aıyppul salyndy.
