Atyraý oblysynda mereke kúnderi 64 jol-kólik oqıǵasy tirkelip, 5 adam jaraqat aldy
ATYRAÝ. QazAqparat – Atyraý oblysynda ótken mereke kúnderi 64 jol-kólik oqıǵasy tirkeldi. Jol-kólik oqıǵalarynan 5 adam ártúrli dene jaraqatyn aldy, dep habarlaıdy QazAqparat.
Oblystyq polıtsııa departamentiniń baspasóz qyzmetiniń aqparatyna súıensek, 64 jol-kólik oqıǵasy 6-8 naýryzda bolǵan.
«Máselen, 6 naýryzda saǵat 01:43 shamasynda Jylyoı aýdanynda jol apaty bolyp, 4 jolaýshy ártúrli dene jaraqatyn aldy. Sol kúni saǵat 17:00 shamasynda «Teńiz» vahtalyq qalashyǵynyń tusynda eki aýyr júk avtokóligi soqtyǵysqan. Jol-kólik oqıǵasynyń saldarynan dene jaraqatyn alǵan bir júrgizýshige dárigerlik kómek kórsetildi», -dep málim etti departamenttiń baspasóz qyzmeti.
Qazir jol-kólik oqıǵalaryna qatysty tergep-terkserý júrgizilip jatyr.
Eske sala ketelik, budan buryn Atyraýda kólik qaqqan jaıaý júrginshi mert bolǵanyn https://kaz.inform.kz/news/atyrauda-kolik-kakkan-zhayau-zhurginshi-mert-boldy_a3904704 jazǵan edik.
