Atyraý oblysynda menıngıtke shaldyǵý oqıǵasy joq
ATYRAÝ. QazAqparat - Sońǵy úsh jylda Atyraýda menıngıt oqıǵasy turǵyndar arasynda tirkelgen joq, dep habarlaıdy QazAqparat tilshisi Óńirlik kommýnıkatsııalar qyzmetine silteme jasap.
«Menıngıt aýrýy boıynsha sońǵy ret 2015 jyly 9 fakt tirkeldi. Aýrýdyń bastalýyna toqtalar bolsaq, aýrý juqqannan bastap birinshi kúnnen on kúnge deıingi aralyqta aýrý belgileri paıda bolady. Adam aýrýdyń alǵashqy kúnderinen bastap basqa adamdarǵa juqtyratyndyqtan, erte aldyn-alý óte mańyzdy. Sondyqtan, júzý basseıni, jabyq bólmelerde ótetin úlken is-sharalarǵa kirý kezinde ózińizge qarańyz. Namaz oqý kezinde meshitterge barǵanda maska kııý kerek. Osylaısha ózińizdi qorǵaýǵa bolady», -deıdi Atyraý oblystyq qoǵamdyq densaýlyq saqtaý departamenti basshysynyń orynbasary Erbolat Ýaısov.
Qazirgi ýaqytta barlyq medıtsınalyq uıymdar (emhanalar) kún saıyn tańerteńgi 8-den keshki 20:00 -ǵe deıin jumys isteıdi. Infektsııanyń alǵashqy belgileri paıda bolǵan kezde 103 jedel járdem qyzmetine nemese jergilikti dárigerge habarlasý qajet.
«Juqpa aýamen, jótelmen, sóılesý joldary arqyly taralady. Əlsizdik pen arqadaǵy jáne aıaqtardaǵy aýyrsyný arqyly aýrý belgisi belgili bolady. Naýqas shóldep, tábeti azaıady. Eger 6-15 saǵattan keıin bas aýrýy, qusý, bórtpe baıqasańyz, temperatýra 39-40 ° C-qa deıin jetse, onda birden dárigerge habarlasyńyz. Óz-ózińizdi emdemeńiz! Sondaı-aq, aýrý tumaý aýrýy, tonzıllıt t.b. aýrýlar sııaqty jeńil túrde júrýi múmkin», - deıdi № 2 oblystyq aýrýhananasynyń bas dárigerdiń orynbasary Nadejda Erǵalıeva.
Aıta keteıik, vaktsınatsııa shetelge barýǵa sheshim qabyldaǵandar úshin ǵana beriledi. Ony tek jeke klınıkalarda alýǵa bolady. Búgingi kúni Atyraý qalasynda quny 30.000-35.000 teńge turatyn 45 vaktsınatsııa bar.
