Atyraý oblysynda memkirister basqarmasynyń basshysy týystarynyń múddesin qoldaǵan
ATYRAÝ. QazAqparat - Atyraý oblysynda Jylyoı aýdandyq memlekettik kirister basqarmasynyń basshysy óz týystarynyń bıznesine qoldaý kórsetken, dep habarlaıdy «QazAqparat» HAA tilshisi.
«Jylyoı aýdandyq memlekettik kirister basqarmasynyń bastyǵy Baǵytqalı Jarylǵasovqa qatysty sotqa deıingi tergeý amaldary aıaqtaldy. Oǵan laýazym ókiletterinen artyq paıdalaný jáne zańsyz kásipkerlik qyzmetpen aınalysý aıyptary taǵylǵan. Іs materıaldary aıyptaý aktisimen qabyldanǵan protsessýaldyq sheshimniń zańdylyǵyn tekserý úshin Atyraý oblysty prokýratýrasyna jóneltildi», - deıdi oblys ІІD baspasóz qyzmetindegiler.
Eske sala keteıik, memlekettik kirister departamentiniń ishki qaýipsizdik qyzmeti maýsym aıynda vedomstvonyń aýdandyq bólimshesiniń basshysy Baǵytqalı Jarylǵasovtyń qamaýǵa alynǵanyn jarııalaǵan bolatyn. O basta oǵan óz qyzmetin artyq paıdalandy dep taǵylǵan bolatyn, biraq keıinnen is Qylmystyq kodekstiń basqa baptary boıynsha júrgizildi.
