Atyraý oblysynda mektepterge dabyl túımesi ornatylyp jatyr
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aıtýynsha, aolıtsııa qyzmetkerlerine júktelgen basty mindettiń qatarynda bilim berý oryndarynda qolaıly ári qaýipsiz orta qalyptastyrý da bar.
«Oqýshylardyń qaýipsizdigin qamtamasyz etý maqsatynda mektepterde dabyl túımesin ornatý qolǵa alynyp otyr. Qazir dabyl túımesi Atyraý qalasyndaǵy 17, Jylyoı aýdanynyń ortalyǵy – Qulsary qalasynda ornalasqan 10 mektepke qondyryldy. Sondaı-aq, mektepter men basqa da bilim berý oryndary beınebaqylaý kameralarymen 100 paıyzǵa qamtyldy. Onyń ishinde 37 bilim oshaǵy «Sergek» júıesi arqyly jedel basqarý ortalyǵyna qosyldy. Al, 148 mektepke týrnıket ornatyldy. Jyl sońyna deıin taǵy 49 mektepke týrnıket ornatý josparlanyp otyr» -deıdi Qamza Úmbetqalıev.
Onyń málimetinshe, polıtsııa departamentiniń usynysymen mektep oqýshysy beınelengen maketter daıyndalǵan. Oǵan jergilikti merdiger mekemeniń demeýshilik tanytqan.
«Maqsat – kólik júrgizýshileriniń nazaryn jaıaý júrginshiler jolyna aýdaryp, jyldamdyq asyrmaýyna yqpal etý. Qazir 4 oqýshy maketi mektepterge jaqyn ornalasqan jaıaý júrginshiler ótetin jolǵa qoıylady» -deıdi Qamza Úmbetqalıev.
Eske sala ketelik, budan buryn Atyraý-Inder jolyna polıtsııa kóligi úı janýarlarynyń maketi qoıylǵanyn jazǵan edik.