Atyraý oblysynda mektep-ınternat oqýshylaryna Elbasy atynan syılyqtar tabystaldy
ATYRAÝ. QazAqparat - Atyraý oblysy Mahambet aýdanyndaǵy arnaıy mektep-ınternatynyń tárbıelenýshileri Aıaz ataǵa hat jazyp suraǵan syılyqtary tabys etildi. Bul týraly QazAqparattyń óńirdegi tilshisi habarlaıdy.
Balalardyń tigin mashınasy jáne sporttyń túr-túrin meńgerý úshin qajet qural-jabdyqtarymyz bolsa degen tilegin QR Prezıdenti Nursultan Nazarbaev oryndap berdi. Elbasy «Aıaz ataǵa hat jaz» aktsııasyna qoldaý bildire otyryp, balalardyń armanynyń júzege asýyna muryndyq bolǵan.
Al balalar bolsa, ózderi qalaǵan syılyqtaryn Aıaz ata men Aqsha qardyń qolynan aldy.
Syılyqtardy tabys etý kezinde Aıaz ata men Aqsha qar eki tárbıelenýshiniń hatyn jıylǵandarǵa oqyp berdi. Olardyń biri - 4-synyp oqýshysy Krıstına dop, raketka syndy sport jabdyqtaryn surasa, ekinshisi 11 jasar Saıagúl tigin mashınasyn suraǵan eken.
