Atyraý oblysynda mektep bitiretin 167 túlek Altyn belgige úmitker bolyp otyr
Atyraý oblystyq bilim basqarmasy basshysynyń orynbasary Oryntaı Bımanovanyń aıtýynsha, óńirde jalpy orta bilim beretin 211 mektep bar.
«Oblystaǵy 211 bilim ordasynda 141 myń 228 oqýshy oqyr júr. Bıyl 5 myń 683 túlek 11-synypty aıaqtap, attestat alǵaly otyr. Mektep túlekteriniń arasynda Altyn belgige úmitkerlerdiń sany – 167. Al, 248 túlek úzdik attestat alýy múmkin», -dep habarlady Oryntaı Bımanova.
Onyń deregine súıensek, 9-synypty 11 myń 789 bitiredi. Olardyń arasynda úzdik attestat alýǵa úmitker 478 oqýshy bar.
«Qorytyndy attestattaý emtıhandary 9-10 synyptar úshin 2-13 maýsym, al, 11-12 synyptar úshin 5-19 maýsym aralyǵynda ótedi. Emtıhan qorytyndysy arqyly qansha oqýshynyń Altyn belgi, qanshaýynyń úzdik attestat alatyny belgili bolady», -dep málim etti Oryntaı Bımenova.
Eske sala ketelik, budan buryn Atyraý mektebine jazýshy Ábish Kekilbaıulynyń esimi berilgenin habarlaǵan bolatynbyz.
Atyraý qalasyndaǵy №41 orta mektepke memleket qaıratkeri, Qazaqstannyń Eńbek Eri Ábish Kekilbaıulynyń esimimen ataldy.
Atalǵan mektep munaıly shahardaǵy «Samal» shaǵynaýdanynda ornalasqan.
Qazir bilim ordasynda 800-den astam oqýshy bilim alady. Aldaǵy oqý jylynda mektepte «Ábishtaný oqýlary» baǵytymen qosymsha sabaq júrgizý kózdelgen.
Sondaı-aq, jańadan ashylatyn eki mektepke ál-Farabı men Dinmuhamed Qonaevtyń esimin berý josparlanyp otyr.
