Atyraý oblysynda medıtsınalyq mekemelerde, túrmelerde maska taǵý rejımi saqtalady
Bul týraly oblystyń bas sanıtar dárigeri Mádenıet Tanaýovtyń búgin, 31 naýryzdaǵy jańa qaýlysynda aıtylǵan.
«Qazaqstan Respýblıkasy Bas memlekettik sanıtarııalyq dárigeriniń 2022 jylǵy 25 naýryzdaǵy №16 qaýlysyna sáıkes barlyq medıtsınalyq uıymdarda, úı karantınindegi talaptardy saqtaý barysynda penıtentsıarlyq (qylmystyq-atqarýshy) júıesi mekemelerine jáne basqa da obektilerde maska kııý rejımin saqtaý qajet. Halyqtyń kóp jınalatyn oryndarynda, qoǵamdyq jáne áýe kólikterinde, uıymdasqan ujymdarda medıtsınalyq maskany paıdalaný usynylady», -delingen jańa qaýlyda.
Sondaı-aq, jańa qaýlyǵa sáıkes Atyraý qalasy men aýdandar ákimderi, memlekettik organdar, quqyq qorǵaý jáne arnaıy organdar, menshik nysanyna qaramastan jáne vedomstvolyq baǵynystaǵy bilim berý uıymdary, «Atameken» UKP (kelisý boıynsha), kompanııalar, menshik nysanyna qaramastan zańdy tulǵalar qyzmettiń árbir túri úshin bekitilgen talaptar men algorıtmderdi saqtaýdy, «Ashyq» mobıldi qosymshasyn sýbektiniń sheshimi boıynsha erikti túrde qyzmetine shekteý qoımaı paıdalanýdy qamtamasyz etý júktelgen. Al, oblystyq densaýlyq saqtaý basqarmasynyń basshysyna turǵyndar arasynda vaktsınatsııa jáne revaktsınatsııany júrgizý tapsyrylǵan.
Jańa qaýly qol qoıylǵan kúnnen bastap zańdy kúshine enedi.
Eske sala ketelik, budan buryn Atyraý oblysynda qoǵamdyq kólikte maska taǵý rejımi saqtalatynyn habarlaǵan edik.
