Atyraý oblysynda medbıke koronavırýs juqtyrdy
ATYRAÝ. QazAqparat - Atyraý oblysynda koronavırýs ınfektsııasyn juqtyrýdyń 5-jaǵdaıy anyqtaldy. Ol qalalyq emhananyń qyzmetkeri, dep habarlaıdy QazAqparat coronavirus2020.kz saıtyna silteme jasap.
Belgili bolǵandaı, medbıke 17 naýryzda «Almaty-Atyraý» reısimen kelgen qyzdan analızge qan alǵan. Búgin medıtsına mamanyna jasalǵan testtiń qorytyndysy shyqty, odan koronavırýs ınfektsııasy tabyldy.
«Qazirgi ýaqytta aýrý juqtyrǵan naýqaspen baılanysta bolǵan 27 adam anyqtaldy. Olardyń barlyǵy oqshaýlanyp, karantınge ornalastyryldy», - delingen aqparatta.
