Atyraý oblysynda Májilis pen máslıhatqa 496 kandıdat usynyldy
Atyraý oblystyq aýmaqtyq saılaý komıssııasynyń aqparatyna súıensek, Parlament Májilisi jáne máslıhattar saılaýyna usynylǵan kandıdattar – 496. Onyń ishinde 20 kandıdat Parlamenttiń kishi palatasynyń depýtattyǵyna, 476-sy ár deńgeıdegi máslıhattarǵa usynylǵan. Máslıhattarǵa 6 saıası partııa 68 úmitker usyndy.
«Oblystyq máslıhattyń 30 depýtatynyń 50% (15 depýtat) majorıtarlyq júıemen, 50% (15 depýtat) partııalar tizimi boıynsha saılanǵaly otyr. Al Atyraý qalalyq máslıhatynyń 25 depýtaty, 7 aýdandyq máslıhattyń 85 depýtaty tolyqtaı majorıtarlyq júıe boıynsha saılanady.
«Oblystyq máslıhat depýtattaryn partııalar tizimi boıynsha saılaýǵa 15 mandatqa 6 saıası partııalardyń partııalyq tizimimen 68 kandıdat usynyldy. Atalǵan máslıhat depýtattaryn saılaý jónindegi 15 birmandattyq aýmaqtyq saılaý okrýgine 50, Atyraý qalalyq máslıhaty depýtattyǵyna 84, Jylyoı aýdandyq máslıhatyna 5, Inder aýdandyq máslıhatyna 40, Isataı aýdandyq máslıhatyna 34, Qurmanǵazy aýdandyq máslıhatyna 42, Qyzylqoǵa aýdandyq máslıhatyna 37, Maqat aýdandyq máslıhatyna 36 kandıdat, Mahambet aýdandyq máslıhatyna 33 kandıdat usynylyp otyr», - dep málim etti aýmaqtyq saılaý komıssııasynan.
Eske sala ketelik, buǵan deıin Atyraýda Parlament Májilisiniń depýtattyǵyna 20 kandıdat usynylǵanyn jazǵan bolatynbyz.
Atyraý oblysynan Parlament Májilisiniń depýtattyǵyn birmandatty okrýginen 20 kandıdat usynylǵan. Onyń ishinde ózin-ózi usynyǵan 16 kandıdat bar. Tórt kandıdat – saıası partııalardyń ókili.
