Atyraý oblysynda Májilis depýtattary shalǵaı eldi mekenderdi aralady
ATYRAÝ. QazAqparat - QR Májilis depýtattary Azǵyr óńiriniń turǵyndarymen kezdesý ótkizdi, dep xabarlaıdy QazAqparat tilshisi.
Іs-sapardyń basty maqsaty - Azǵyr óńirine gaz tartý jáne onyń jumys barysymen tanysý. 
Turǵyndarmen kezdesýge Parlament depýtattary Baqtyqoja Іzmuhambetov, Abaı Tasbolatov, Taras Hıtýov, Sergeı Sımonov jáne Atyraý oblysy ákiminiń birinshi orynbasary Serik Shapkenov keldi.
Óz sózinde QR Májilis depýtaty Baqtyqoja Іzmuxambetov bıyl mamyr aıynyń sońyna deıin 10 eldi mekenge gaz tartylatynyn atap ótti.
«Bul eldi mekendegi eń úlken jumys - gaz júrgizý. Oblys ákimi Nurlan Noǵaev osy úlken jumysty bitirgeli jatyr. Jańa biz jumys barysynyń qalaı júrip jatqanyn qarap óttik. Uzyndyǵy 365 km bolatyn gaz qubyry salynyp boldy. Aldymyzdaǵy mamyr aıynyń aıaǵynda iske qosylýy tıis. Bul jerge bir aıdyń kóleminde kógildir otyn jetetin bolady. Sonda 10 eldi meken gazben qamtylady. Bunyń bári Elbasynyń týǵyzyp otyrǵan múmkindiginiń arqasy», - dedi májilis depýtaty Baqtyqoja Іzmuhambetov.
Sondaı-aq, depýtat ataýly áleýmettik kómek, kópbalaly, az qamtylǵan otbasylardy qoldaý jáne jalaqy ósirý tóńireginde Elbasy qabyldaǵan tapsyrmalardy halyqqa tanystyryp ótti.
Jıyn sońynda májilis depýtattary turǵyndardyń kókeıkesti suraqtaryna jaýap berdi.
Aıta keteıik, bul joba 8 myń turǵyny bar 10 eldi mekendi qamtıdy. Azǵyr aımaǵyndaǵy gaz qubyrynyń jalpy uzyndyǵy 365,242 kılometrdi quraıdy.
