Atyraý oblysynda máslıhattyń bas esepshisi 300 myń teńgeni jymqyrdy
ATYRAÝ. QazAqparat - Atyraý oblysyndaǵy Mahambet aýdany máslıhatynyń bas esepshisi úsh jyl boıy eńbekaqysyn óz betimen rettep otyrǵan, dep habarlaıdy «QazAqparat» HAA tilshisi.
«Sottyń isti qaraýy nátıjesinde Mahambet aýdandyq máslıhatynyń bas býhgalteri 2013 jyldan bastap 2015 jylǵa deıingi aralyqta óziniń eńbekaqysyn shtattyq kesteden tys esepteý arqyly 336 myń teńge kólemindegi qarajatty ıemdengen. Nátıjesinde esepshi «Bógdeniń senip tapsyrylǵan múlkin ıemdený nemese jumsap qoıý», sondaı-aq «Qyzmet babynda jalǵan qujat jasaý» baptary boıynsha jaýapkershilikke tartyldy», - dep habarlaıdy Atyraý oblystyq sotynyń baspasóz qyzmeti.
Sot zalynda esepshi óz kinásin moıyndap, tergeýmen jumys istesýge kelisim berdi. Oǵan úsh jyl shartty túrde bas bostandyǵynan aıyrý jáne bes jyl kóleminde memlekettik qyzmette esepshi qyzmetin atqarý quqyǵynan aıyrý jazasy taǵaıyndaldy.
