Atyraý oblysynda mas júrgizýshi polıtsııa kóligimen jarysty
ATYRAÝ. QazAqparat - Atyraý oblysynyń turǵyny kóligimen polıtsııadan qashamyn dep, jol-kólik apatyna sebepshi boldy. Ol 5 jylǵa kólik júrgizý quqyǵynan aıyryldy, dep habarlaıdy QazAqparat.
«Qyzylqoǵa aýdandyq sotynan málim bolǵanyndaı, Saǵyz aýlynyń turǵyny mas kúıinde «VAZ 21099» kóligin basqaryp kele jatyp, polıtsııa qyzmetkerleriniń qozǵalysty toqtatý jónindegi buıryǵyna baǵynbaǵan. Onysymen qoımaı, mas júrgizýshi tártip saqshylarynan qutylyp ketpek bolǵan. Polıtsııadan qashpaq bolǵan ol tártip saqshylarynyń kóligimen soqtyǵysqan. Aıyptalýshy óziniń istegenin tolyq moıyndap, óziniń zańsyz áreketi úshin keshirim surady. Kólikterdiń soqtyǵysýy kezinde jolaýshylar zardap shekken joq, al jol apatynyń saldarynan kelgen shyǵyn óteldi»,-dep habarlady Qyzylqoǵa aýdandyq sotynyń bapasóz qyzmeti.
Sot qaýlysymen aıyptalýshyǵa 30 AEK kóleminde aıyppul salynyp, 5 jyl kólik basqarý quqyǵynan aıyryldy.
