Atyraý oblysynda mas kólik júrgizýshisi úı sharbaǵyn qıratty
ASTANA. QazAqparat - Atyraý oblysy, Qyzylqoǵa aýdandyq sotynda júk kóliginiń mas júrgizýshisine qatysty ákimshilik quqyqbuzýshylyq týraly is qaraldy, dep habarlaıdy «QazAqparat» HAA Atyraý oblystyq sotynyń saıtyna silteme jasap.
Kólik quralyn basqarýǵa tıisti kategorııasy joq quqyqbuzýshy A.M., 2017 jyldyń tamyzynda Tasshaǵyl aýylynda mas kúıinde «KamAZ» markaly avtomashınany basqarǵan. Aýyldaǵy úılerdiń biriniń aýlasyna kirip ketip, sharbaǵyn qıratqan.
Sotta quqyqbuzýshy óz aıybyn moıyndady. Sottyń qaýlysymen ol Qazaqstan Respýblıkasy Ákimshilik quqyqbuzýshylyq kodeksiniń 608-baby, 6-bóligi boıynsha aıypty dep tabylyp, oǵan 20 táýlikke qamaý túrinde jaza belgilendi.
