Atyraý oblysynda malshyny pyshaqtap óltirgen kúdikti qamaýǵa alyndy
Bul aqparatty oblystyq polıtsııa departamentiniń baspasóóz qyzmeti rastady. Qandy oqıǵa Jylyoı aýdanynda 26 qańtarda bolǵan.
«Jylyoı aýdanynyndaǵy «Qara mola» qystaǵynda 1983 jylǵy jigit 61 jastaǵy malshyny túngi saǵat 02:30 shamasynda tamaǵynan pyshaqtaǵan. Kúdikti malshyny óziniń «ÝAZ Patrıot» avtokóligine salyp alyp, belgisiz baǵytqa shyǵyp ketken. Sol kúni kúdikti ustalyp, QR Qylmystyq-protsestik kodeksiniń 128-babyna aýdandyq polıtsııa bóliminiń ýaqytsha ustaý ızolıatoryna qamaýǵa alyndy», -dep málim etti departamenttiń baspasóz qyzmeti.
Qazir qamaýdaǵy kúdiktige qatysty QR Qylmystyq kodeksiniń 99-babynyń 2-bóliginiń 3,5) tarmaqtarymen (Adam óltirý) sotqa deıingi tergeý júrip jatyr.
Eske sala ketelik, budan buryn Atyraýda er adamdy uryp, 500 myń teńgesin tonaǵan kúdikti ustalǵanyn habarlaǵan bolatynbyz.