Atyraý oblysynda mal jaıýǵa shyǵyp joǵalyp ketken adamdy tikushaqpen izdedi
ATYRAÝ. QazAqparat – Atyraý oblysynda mal jaıýǵa shyǵyp, joǵalǵan er adam tabyldy, dep habarlaıdy QazAqparat tilshisi.
Oblystyq tótenshe jaǵdaılar departamentiniń qoǵammen baılanys tobynan málim etkendeı, 30 jastaǵy er adam búgin, 10 mamyrda túsqaıta tabylǵan.
Buǵan deıin jazǵanymyzdaı, er adam keshe, 9 mamyrda saǵat 08:00 shamasynda mal jaıýǵa shyqqan. Sodan keıin odan esh derek bolmaǵan.
Bir kún buryn 30 jastaǵy jigit óriske mal aıdap shyǵyp, habar-osharsyz ketken. Ol búgin, 10 mamyrda jergilikti saǵat 11:15-ke deıin turǵylyqty jerine oralmaǵan.
«Joǵalǵan er adamdy izdestirý búgin, 10 mamyrda jergilikti ýaqytpen saǵat 11:15-te bastaldy. Departament qyzmetkerleri men týystary ony tikushaqpen izdedi. Іzdestirý jumysy Jylyoı aýdanynyń ortalyǵy – Qulsary qalasynan 150 shaqyrym radıýsta jazyq dalada júrgizildi. Búgin túsqaıta er adam aýdan ortalyǵynan 45 shaqyrym qashyqtyqtaǵy Bıikjal ýchaskesinen tabyldy. Ol bul ýchaskege ózi jetken. Aman-esen tabylǵan jigittiń densaýlyǵyna zaqym kelmegen. Sol sebepten alǵashqy medıtsınalyq kómekti qajet etpedi», -dep habarlady departamenttiń qoǵammen baılanys toby.
Іzdestirý jumysyna oblystyq tótenshe jaǵdaılar departametinen 6 qyzmetker, týystarynan 4 adam, aýdandyq polıtsııa bóliminen 1 qyzmetker qatysty.
Áýeden barlaý júrgizýge «Qazavıaqutqarý» AQ 5 adamdyq ekıpajymen «Mı-8MTV UPMI844» tikushaǵy tartyldy.
Sondaı-aq, izdestirý tobyna bir ıisshil ıt qosyldy.
Avtor: Bek Mustafa
