Atyraý oblysynda mal izdeýge shyqqan er adam joǵalyp ketti
ATYRAÝ. QazAqparat – Atyraý oblysynda mal izdeýge shyqqan 41 jastaǵy er adam adasyp ketken, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, 6 jeltoqsanda saǵat 20:00 shamasynda Qyzylqoǵa aýdandyq polıtsııa bólimine 41 jastaǵy er adamnyń otbasyna oralmaǵanyn habarlaǵan.
«Mııaly aýylynda turatyn áıeldiń aıtýynsha, kúıeýi – 41 jastaǵy Ashat Kóshelekovtiń Jangeldın aýylynyń aýmaǵyndaǵy «Qazy» qystaǵynan mal aıdap kelýge ketken. Alaıda, úıine qaıta oralmaǵan. Aýdandyq bólim polıtseıleri jedel jedel izdestirý jumystaryn júrgizdi. Nátıjesinde joǵalǵan er adamdy keshki saǵat 23.30 shamasynda aýyldan 40 shaqyrym qashyqtyqtaǵy «Jumyrshy» ýchaskesinen tapty» -dep habarlady departamenttiń baspasóz qyzmeti.
Al, Ashat Kóshelekovtiń aıtýynsha, 2 aıdan beri joǵalǵan malyn izdegen. Bul kúni ol aýylǵa qaıtar jolda adasyp ketken.
Kúni boıy tamaqtanbaı, jaýyn astynda qalyp, ábden álsiregen.
«Sońǵy kúnderi aýa-raıy kúrt ózgerip, tumannyń túsýi jıiledi. Bul izdestirý jumysyn qıyndatty. Biraq, izdestirýdi toqtatpadyq. Biz adasyp ketken Ashat Kóshelekovti tapqan sátte oǵan alǵashqy kómek kórsetip, kıimin aýystyrdyq. Sodan soń úıine aman-esen jetkizdik», -deıdi Qyzylqoǵa aýdandyq polıtsııa bólimi jergilikti polıtsııa qyzmeti bólimshesiniń ýchaskelik polıtsııa ınspektory, polıtsııa kapıtany Erlan Jumagereev.
Eske sala ketelik, budan buryn Atyraýda joǵalyp ketken 20 jastaǵy jigit tabylmaı jatqanyn jazǵan bolatynbyz.
